|
DITA OLIMPIKE 2010 FESTOJENI KETE DITE DUKE U ANGAZHUAR NE VEPRIMTARI SPORTIVE INDIVIDUALISHT, NE FAMILJE APO NE GRUP SHOQEROR 
Cfarë thotë Karta Olimpike? Olimpizmi është një filozofi jete, që lartëson dhe kombinon në një tërësi të ekuilibruar cilësitë e trupit, vullnetit dhe mendjes. Duke shkrirë sportin me kulturën dhe edukimin, Olimpizmi synon të krijojë një mënyrë jetese të bazuar mbi kënaqësinë e përpjekjeve, vlerën edukuese të shembullit të mirë dhe respektin për parimet etike thelbesore universale. Qëllimi i Olimpizmit është ta vendosë sportin në shërbim të zhvillimit harmonik të njeriut, në këndvështrimin e promovimit të një shoqërie paqësore e cila përkujdeset për ruajtjen e dinjitetit njerëzor. Praktikimi i sportit është një e drejtë njerëzore. Cdo individ duhet të ketë mundësinë e praktikimit të sportit, pa diskriminim të cfarëdo lloji dhe në shpirtin Olimpik, i cili kërkon mirëkuptim të përbashkët me një shpirt miqësie, solidariteti dhe fair play. Historik i shkurtër i Ditës Olimpike 23 Qershor 1894 - Në këtë datë, pjesëmarrësit e Kongresit Ndërkombëtar të Atletikës në Paris votuan unanimisht për të ri-themeluar Lojërat Olimpike, sipas propozimit të Pierre de Couberte. Kjo është ditëlindja Lëvizjes Olimpike Moderne. 23 Qershor 1948 - Kjo është data e Ditës së parë Olimpike, aprovuar nga Sesioni i 42 i CIO në St. Moritz, Zvicër, në Janar 1948. Dita Olimpike Botërore u mbajt nga një total prej nëntë Komitetesh Olimpike Kombëtare që mbajtën ceremonitë në vendet e tyre respektive: Austria, Belgjika, Kanadaja, Britania e Madhe, Greqia, Portugalia, Zvicra, Uruguaji dhe Venezuela. 1978 - Në edicionin e vitit 1978 të Kartës Olimpike, CIO rekomandon për herë të parë që të gjitha KOK të organizojnë Ditën Olimpike për të promovuar Lëvizjen Olimpike. “Rekomandohet që të gjitha KOK të organizojnë rregullisht (nëse është e mundur cdo vit) një Ditë Olimpike e cila synon të promovojë Lëvizjen Olimpike". Ideja e zgjerimit të festimeve duke organizuar evente për një javë të tërë u shtua në versionin e vitit 1990 të Kartës Olimpike. 23 Qershor 1987 - Koncepti i Ditës Olimpike të Vrapimit (DOV) u lancua nga Komisioni “Sport për të Gjithë” i CIO. Kjo ditë u konceptua nga komisioni si një mënyrë për të inkurajuar KOK për të festuar Ditën Olimpike. DOV e parë u mbajt në një distancë prej 10 km, me 45 KOK pjesëmarrëse. 23 Qershor 2008 - Festimi i Ditës Olimpike mbushi 60 vjec! Me kalimin e viteve, ajo është kthyer në festimin e vetëm mbarëbotëror të Lëvizjes Olimpike dhe ka ndihmuar në përhapjen e vlerave Olimpike në cdo cep të botës. Mars 2009 - Në 2009, Vrapimi u bë Dita Olimpike, një event që mbledh së bashku të gjitha aktivitetet e KOK në rastin e 23 Qershorit.
Mesazhi i Presidentit te Komitetit Olimpik Nderkombetar (IOC) Dr. Jacquess Rogge Dita Olimpike në 23 Qershor nuk është si cdo festim tjetër publik apo festë kombëtare. Është një ditë e vecantë ku mblidhemi së bashku, lëvizim së bashku dhe mësojmë për vlerat Olimpike të Shkëlqimit, Miqësisë dhe Respektit. Dita Olimpike është gjithashtu I VETMI event i përvitshëm mbarëbotëror i Lëvizjes Olimpike. Shumica e Komiteteve Olimpike Kombëtare (KOK) në të pesë kontinentet përfitojnë nga ky rast për të ndarë shpirtin Olimpik me njerëz të të gjitha moshave. Dita Olimpike ka si synim të gjithë njerëzit, pavarësisht aftësive të tyre sportive. Gjithashtu, përvecse ofron një mundësi për të praktikuar një sport, për të vrapuar apo për tu ushtruar, ajo është një mundësi për të reflektuar mbi kuptimin e Lojërave Olimpike, që do të thotë se ne gjithmonë duhet të përpiqemi të japim më të mirën e vetes sonë, që më e rëndësishmja nuk është nëse fitojmë apo humbasim, por të dimë ta luajmë lojën mirë. Kjo është një filozofi që mund shërbejë në fusha të tjera të jetës. Çdo vit, në 23 Qershor, është falë jush, që ky mesazh transmetohet kudo në botë , dhe Dita Olimpike e Vrapimit ka treguar se është një mënyrë e mirë për t’i bërë thirje publikut. Më shumë se kurrë unë inkurajoj çdo KOK për të promovuar temën e fushatës –“Lëviz, Mëso dhe Zbulo”- e cila u lancua me sukses vitin e kaluar. Dita Olimpike është platforma ideale për të vënë në dukje përfitimet e aktivitetit fizik në përgjithësi, dhe në vecanti për të rinjtë. Ajo i mundëson ata të mësojnë për vlerat Olimpike dhe për ti praktikuar ato në jetën e përditshme; ata gjithashtu mund të zbulojnë sporte të reja. Në një kornizë më të gjerë të Ditës Olimpike, Dita Olimpike e Vrapimit është një mundësi e shkëlqyer për të tërhequr brezin e ri në arenën e sportit, dhe për ti ndihmuar ata të japin më të mirën e vetes. Kjo është arëyeja e një eventi tjetër të rëndësishëm të vitit 2010 – Lojërat Olimpike Rinore (LOR)- të cilat do të mbahen për herë të parë në Gusht në Singapor. Dita Olimpike është një mundësi e mirë për të drejtuar vëmendjen dhe për të promovuar LOR, objektivat e të cilave janë të ngjashme me ato të Ditës Olimpike, por që synojnë një grup moshe të caktuar në një nivel më konkurrues. Në organizimin e Ditës Olimpike, ju do të përfitoni, ashtu si CIO, nga ndihmesa e partnerëve të saj. Ne falenderojmë McDonald’s, partnerin tonë Olimpik mbarëbotëror, për përkushtimin dhe entuziazmin e tij, në saj të të cilit KOKSH ka mundur të realizojë me sukses këtë Vrapim për shtatë vitet e fundit. Në shoqërine tonë në zhvillim të vazhdueshëm, sporti shfaqet më shumë se kurrë, si një lëvizje sociale në gjendje tu ofrojë të gjithë brezave, dhe sidomos të rinjve, mundësinë për të bërë një jetë më të shëndetshme, më të ekuilibruar, dhe gjithashtu më të mirë e më kuptimplotë. Ju falenderoj të gjithëve për përkushtimin tuaj ndaj sportit dhe vlerave Olimpike të Shkëlqimit, Miqësisë dhe Respektit. Kalofshi një Ditë të mrekullueshme Olimpike 2010! Jacques ROGGE IOC President
|
Pressrelease
MARSEL NIKAJ mbas etapave kualifikuese me kohet e arritura eshte 
